AUSBILDUNG

Vum éischten Dag u matten an der Praxis  ! Dir hutt Är Schoul mat Erfolleg ofgeschloss? Da kann Är berufflech Zukunft ufänken.

Am Laf vun Ärer Ausbildung beim Grupp CFL profitéiert Dir vun enger zolitter Formatioun an engem reegelméissege Suivi. Dir kritt individuell Missioune bei deene mir Iech ëmmer kompetent ënnerstëtzen.


Dëst erlaabt Iech, Iech mat eisem Betrib vertraut ze maachen, eis Prozesser, verschidden Aktivitéiten an Déngschtleeschtungen kennenzeléieren, souwéi an Ärer Ausbildung weiderzekommen. Wärend Ärer Ausbildung gitt Dir direkt an déi alldeeglech Aarbecht an an déi lafend Projete mat agebonnen. Dir kritt Erfarung andeems Dir Spëtzentechnologie benotzt a mat moderne Prozesser schafft.


Mir bereeden Iech och zum Beschten op Ären Ofschlossexame vir. Dir hutt eis mat Ärer Motivatioun an Ärer Leeschtung iwwerzeegt? Da steet näischt enger Astellung an enger ureegender berufflecher Carrière beim Grupp CFL méi am Wee. Mat eisen Ausbildungen, déi dräi Joer daueren, stellt Dir d’Weiche fir Är berufflech Carrière.




Eis Partneren :





 



Interesséiert? 

Dann zéckt net fir Är Kandidatur vum Mäerz un eranzeschécken, fir déi nächst Sessioun déi am September ufänkt.

EIS AUSBILDUNGEN


DAP MECHATRONIKER ZUCHWARTUNG (m/w)

Méi Informatiounen


DAP MECHATRONIKER SIGNALTECHNIK (m/w)

Méi Informatiounen

DAP MECHATRONIKER KÄLTETECHNIK (m/w)

Méi Informatiounen


DAP AGENT DE VOYAGE (m/w)

Méi Informatiounen


DT LOGISTIQUE – STROOSVERKÉIER (m/w)

Méi Informatiounen


DAP LAGERLOGISTIK (m/w)

Méi Informatiounen

Vous souhaitez nous rejoindre ?

Eng spontan Kandidatur schécken

Entdeckt eis Offeren

DAP Mechatroniker Zuchwartung (m/w)

Äre Profil

Interesséiert un techneschen Themen, an der Schoul souwéi an Ärer Fräizäit, hutt Dir Loscht ze léieren an Eegeninitiativ ze weisen. Dir sidd Bastler an hutt e gutt Versteesdemech fir technesch Problemer. Dir hutt technesch Erausfuerderunge gär, fir déi een optimal Léisunge fanne muss. Dir schafft gär an engem Team, sidd zouverléisseg, motivéiert an Dir géift gär an Är laangfristeg Ausbildung investéieren.

Är Missioun

Dank Ärer Mechatronikerausbildung gitt Dir en Expert vu Maschinnen,  Sécherheetssystemer an Installatiounen, déi gläichzäiteg mechanesch, elektronesch an informatesch Funktiounsfäegkeeten hunn.

An der Ausbildung léiert Dir:

  • Maschinnen a Betrib ze huelen, ze regléieren an z’iwwerwaachen, déi aus mechaneschen, hydrauleschen, pneumateschen, elektreschen an elektroneschen Komponenten bestinn,
  • Steierungs-, Reguléierungs- a Meldesystemer a Betrib ze huelen,
  • Pannen z’identifizéieren (Informatik- a Moossmaterial) an d’Reparaturen auszeféieren, bei deene feelerhaft Deeler ersat musse ginn,
  • eng technologesch Bereetschaft garantéieren.

    • Viraussetzungen

    Dir sidd momentan op enger 5e G niveau globalement de base am Enseignement secondaire, déi Dir dëst Joer ofschléisst,
    Dir schwätzt fléissend Lëtzebuergesch, Franséisch an Däitsch.

    Zréck op d'Säit

    DAP Mechatroniker Signaltechnik (m/w)

    Äre Profil

    Interesséiert un techneschen Themen, an der Schoul souwéi an Ärer Fräizäit, hutt Dir Loscht ze léieren an Eegeninitiativ. Dir hutt technesch Erausfuerderunge gär. Wann Dir bastelt, fannt Dir dank Ärer Analyskapazitéit vun technesche Problemer ëmmer déi optimal Léisung.

    Är Missioun

    Dank Ärer Ausbildung als Mechatroniker « Poste de Signalisation » gitt Dir Expert vun Installatioune vu Sécherheetssignaler, deenen hiert Fonctionnement gläichzäiteg op der Elektrotechnik an der Mechanik berout. 

    An der Ausbildung léiert Dir:

  • Installatiounen, déi aus elektrotechneschen a mechaneschen Elementer bestinn a Betrib ze huelen, ze regléieren an z’iwwerwaachen,
  • Steierungs-, Reguléierungs- a Meldesystemer a Betrib ze huelen,
  • Pannen z’identifizéieren (Informatik- a Moossmaterial) an d’Reparaturen auszeféieren, bei deene feelerhaft Deeler ersat musse ginn.

    • Viraussetzungen

    Dir sidd momentan op enger 5e G niveau globalement de base am Enseignement secondaire, déi Dir dëst Joer ofschléisst,
    Dir schwätzt fléissend Lëtzebuergesch, Franséisch an Däitsch.

    Zréck op d'Säit

    DAP Mechatroniker Kältetechnik (m/w)

    Äre Profil

    Motivéiert, zouverléisseg, sidd Dir e richtegen Teamplayer a wëllt d‘Weiche fir Är berufflech Zukunft mat enger Léier stellen. Technesch Themen interesséieren Iech net nëmmen an der Schoul, mee och wärend Ärer Fräizäit. Dir hutt technesch Erausfuerderunge gär, wann Dir bastelt, fannt Dir ëmmer déi optimal Léisung dank Ärer Kapazitéit technesch Problemer ze analyséieren.

    Är Missioun

    Wärend Ärer Léier als Mechatroniker vu Kälte- a Klimatisatiounstechnike léiert Dir mat alle Klimatisatiounssystemer ze schaffen (Motrice, Waggon).  

    An der Ausbildung léiert Dir:

  • d’Ausféiere vu Wartungsaarbechten un de Klimatisatiounssystemer,
  • d‘Agräife wärend der Wartung, der Revisioun, dem Ëmbau an der Reparatur,
  • d’Ausféiere vun Diagnosen andeems Dir d’Wartungs- an d’Sécherheetsreegele respektéiert.


    • Viraussetzungen

    Dir sidd momentan op enger 5e G niveau globalement de base am Enseignement secondaire, déi Dir dëst Joer ofschléisst,
    Dir schwätzt fléissend Lëtzebuergesch, Franséisch an Däitsch.


    Zréck op d'Säit

    DAP Agent de voyage (m/w)

    Äre Profil

    Interesséiert u Reese säit Ärer Kandheet, wëllt Dir léieren an hutt e groussen Interessi um Tourismus. Dir hutt en exzellenten Sënn mat Clienten an fir Déngschtleeschtungen. Dir sidd talentéiert an der Organisatioun, an der Schoul wéi och wärend Ärer Fräizäit. Wéi e richtegen Teamplayer sidd Dir zouverléisseg, motivéiert a géingt Iech gär fir eng Ausbildung engagéieren.

    Är Missioun

    Dank Ärer Ausbildung als Agent de Voyage gitt Dir en Tourismusexpert, an ee vun den Agenten vum Reesbüro CFL Évasion.

    An der Ausbildung léiert Dir:

  • eis Clienten z’empfänken an ze beroden: Dir verstitt a kënnt hir Erwaardungen analyséiere fir hinnen d’Produkter an d’Zerwisser unzebidden, déi hire Bedierfnesser entspriechen. Dir haalt ëmmer d’Ofschléissen vun engem Verkaf am A,
  • d’Reservatiouns- a Verkafsaufgaben auszeféieren,
  • d’Zesummestelle vun de Leeschtungen z‘erfaassen (Transport, Beherbergung, Restauratioun, Animatioun…) fir eng einfach Pauschalrees ze reservéieren oder op eng komplex Ufro vum Client anzegoen,
  • déi spezifesch Reservatiounssystemer an dësem Beräich ze benotzen.

    • Viraussetzungen

    Dir sidd momentan op enger 5e G niveau globalement de base am Enseignement secondaire, déi Dir dëst Joer ofschléisst,
    Dir schwätzt fléissend Lëtzebuergesch, Franséisch an Däitsch.

    Zréck op d'Säit

    DT logistique – Stroosseverkéier (m/w)

    Äre Profil

    D’Logistikberuffer interesséieren Iech an Dir wëllt Iech an dësem Beräich orientéieren, dann ass de Poste fir eng Léier am Transport an an der Logistik genee dat richtegt fir Iech. Dir sidd virwëtzeg, gitt gutt mat Computeren eens, Dir sidd präzis a genau, pénktlech a schafft gär an enger Equipe. Dir gëtt gutt mat anere Leit eens, dir sidd villsäiteg an hutt e Sënn fir d’Kommunikatioun. Dës Qualitéiten an d’Loscht ze léieren erlaben Iech eng laang a strukturéiert Ausbildung an dësem séier wuessende Beräich ze packen.

    Är Missioun 

    Dës Léier erlaabt Iech villfälteg Kompetenzen z’entwéckelen, déi op e ganz spezifeschen, technesche Beruff zentréiert sinn, deen operationnell Aktivitéite mat administrativer Responsabilitéite vermëscht :

  • um Tracking vun de Stroossen- an Distributiounsvirgäng deelhuelen: Zesummestelle vum Import an Export, der Befrachtung, dem Dispatching,
  • de Suivi vun de Wueren an Echtzäit,
  • op Ufroen a Froe vun internen an externe Clienten äntweren,
  • d’Datebank fleegen.


    • Viraussetzungen

    Fir dës Ausbildung maachen ze kënnen, musst Dir an enger DT Formatioun ageschriwwe sinn, déi an de Lycéeë vu Lalleng a Bouneweg ugebuede ginn.

    D’Beherrsche vun der franséischer an däitscher Sprooch a Wuert a Schrëft ass noutwenneg; Englesch ass e wichtege Pluspunkt.

    Zréck op d'Säit

    DAP Lagerlogistik (m/w)

    Äre Profil

    D’Logistikberuffer interesséieren Iech an Dir wëllt Iech an dësem Beräich orientéieren, dann ass de Poste fir eng Léier an der Lagerlogistik déi Geleeënheet. Dir sidd virwëtzeg, gitt gutt mat Computeren eens, sidd präzis a pénktlech a schafft gär an der Equipe. Dës Qualitéiten an d’Loscht ze léieren, erlaben Iech eng laang a strukturéiert Ausbildung erfollegräich ofzeschléissen.

    Är Missioun

    Dës Léier erlaabt Iech villfälteg Kompetenzen z’entwéckelen, déi op e ganz spezifeschen an technesche Beruff zentréiert a mat manuellen Aktivitéiten an der administrativer Verwaltung vermëscht sinn:

  • um Verwalte vum Stock vun industrielle Produkter oder Liewensmëttel deelhuelen: Virbereedung a Kontroll vun de Wueren,
  • Unhuelen, kontrolléieren a raume vun de Produkter mat spezialiséiertem Handwierksgeschir,
  • en administrative Suivi vun den An- an Ausgäng vu Wueren opstellen,
  • Detailléiert Rapporte vun den an- an ausgoende Produkter erstellen,
  • déi Responsabel vun der Equipe ënnerstëtzen.


    • Viraussetzungen

    fir dës Léier maachen ze kënnen, musst Dir an enger Formatioun DAP ageschriwwe sinn, déi an de Lycéeë vu Lalleng a Bouneweg ugebuede ginn,

    d‘Beherrsche vun der franséischer an der däitscher Sprooch a Wuert a Schrëft ass noutwenneg.

    Zréck op d'Säit